Teknika e shitjes “up-selling” dhe ndryshimi me “cross-selling”

buying-a-fridgeNë artikullin e kaluar shpjeguam teknikën e cross-selling për të rritur shitjet dhe shumë shpesh up-selling konsiderohet e njëjta gjë me cross-selling. Kjo e fundit shkurtimisht është të shiturit e produkteve të reja (shtesë) tek klientë ekzistues. Ju sugjerojmë të lexoni artikullin e kaluar të plotë këtu.

Po up-selling? Sepse me një përkthim të thjeshtë në shqip i bie të jetë mbi-shitje, pra shet diçka dhe mbi atë shet diçka tjetër. Por nuk është kështu. Kuptimi i teknikës së up-selling është që kur klienti do të blejë diçka me vlerë X, të mundohemi ta kalojmë në një vlerë më të lartë, X+.

Për shembull, nëse po mundohemi të shesim frigoriferë dhe klienti e ka syrin tek një frigorifer me vlerë 50.000 lekë, shitësi për të bërë një shitje me vlerë më të lartë, i sugjeron klientit që për shkak të karakteristikave më të mira, teknologjisë më të re, kursimit të energjisë, etj, të zgjedhë një frigorifer me vlerë 70.000 lekë. Kjo teknikë mund të përdoret në një shkallë shumë të gjerë të industrive dhe bizneseve. Për shembull në shërbime, një agjenci turistike apo një hotel, duhet të përpiqet gjithmonë të shesë tek klientët një paketë më të kushtueshme dhe më fitimprurëse.

Mund t’i thoni: “A keni punuar gjithë vitin për këtë 1 javë pushime? Shkoni diku që ta mbani mend dhe të kënaqeni më shumë. Me të vërtet është pak më shtrenjtë, por është më i përshtatshëm për ju (për shembull për fëmijët apo arsye të tjera). Kushtet janë më të mira, uji i detit më i pastër dhe siguria më e lartë. Klientët që kanë qenë aty pas sugjerimit tonë, na kanë falenderuar dhe ishin shumë të lumtur me zgjedhjen e bërë. Gjithsesi, edhe vendi që po mendoni ju nuk është i keq, por nëse i keni mundësitë mos u nxitoni, sepse nuk duam që të shpenzoni para dhe atë javë të vetme që keni pushim në vit, të mos mbeteni të kënaqur. Për ne kënaqësia e klientëve është e para.” Bum.

Pra, mos u mjaftoni me atë që klienti ju thotë se do të blejë, sugjerojini diçka më të mirë atij. E kjo nuk bëhet në kurriz të klientëve, por ju realisht do t’i ofroni atyre një vlerë më të lartë në shkëmbim të parave shtesë që i kërkoni. Mos u mundoni “t’ia hidhni” duke i shitur diçka që realisht nuk vlen aq sa klienti do të paguajë dhe ja mbushni mendjen me gënjeshtra. Kjo është gjëja më e gabuar që mund të bëni. Sekreti i kësaj teknike është që “ta rrihni hekurin sa është i nxehtë”, nëse humbisni momentin vendimtar që klienti është ende në mëdyshje, nuk do të realizoni dot up-selling. Përdoreni atë moment në avantazhin tuaj për ta çuar klientin drejt produktit që ju doni të shisni.

Reklama

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni /  Ndryshoje )

Foto Google

Po komentoni duke përdorur llogarinë tuaj Google. Dilni /  Ndryshoje )

Foto Twitter-i

Po komentoni duke përdorur llogarinë tuaj Twitter. Dilni /  Ndryshoje )

Foto Facebook-u

Po komentoni duke përdorur llogarinë tuaj Facebook. Dilni /  Ndryshoje )

Po lidhet me %s